Islamic SMS
Nuqsaan wali cheezain
Allah ke naam se jo bara meharban nehayat reham wala hai
(Log) poochte hain ke sharab or jooye ka kia hukum hai? Aap P.B.U.H keh dijiye ke in donon cheezon main bare nuqsaanat hain
agarcha in main logon ke liye kuch faide bhi hain magar in ka gunah un faidon se ziada hai (log) daryaaft karte hain ke hum
Allah ki rah main kitna kharach karain? Aap P.B.U.H keh dijiye ke jo kuch tumhare zaroorat se ziada ho wo kharach karo is tarhan
Allah apne ehkaam tumhare liye saaf saaf bayan karta hai ta ke tum soch lia karo.
Haqdar log
Allah ke naam se jo bara meharban nehayat reham wala hai
Log poochte hain hum kia kharch karain? Aap P.B.U.H keh dijiye ke jo kuch tumhain maal main se kharach karna hai to apne waldain per, rishtedaron per yateemon per or miskeenon or musafiron per kharach karo (ye sab haqdar hain) or jo bhalai bhi tum karte ho Allah ko is ka poora ilim hai.
kufar ki rah
Allah ke naam se jo bara meharban nehayat reham wala hai
jin logon ne kufr ki rah ikhtiyar ki hai un ke liye dunya ki zindagi
khushnuma bana di gai hai aise log eman ki rah ikhtiyaar karne walon
ka mazak urate hain magar qayamat ke roz (Allah se darne wale) perhaizgar
log hi un (kufar karne walon) per ghalib rahin ge or (raha dunya ka rizq to Allah ko ikhtiyar hai)
Allah jise chahta hai behisab deta hai
Islam
Allah ke naam se jo bara meharban nehayat reham wala hai
Aye eman walon Islam main poore ke poore dakhil ho jaao or shetaan ke nakshe-e-qadam per mat chalo
ke wo tumhara khula dushman hai jo saaf saaf hidayat tumhare paas aa chuki hain in ko paalene ke baad
agar tum ne largish khai to khoob jaan rakho ke Allah bara zabardast hai bara hikmat wala hai
Bura thikana
Allah ke naam se jo bara meharban nehayat reham wala hai
Jab is (shaks) se kaha jaata hai ke allah se daro to is ka garoor is ko gunah per (or ziada) jama deta hai
aise shaks ke liye jahanum hi kaafi hai or wo bohot bura thekana hai inshanon hi main koi (shaks) aisa bhi
hota hai jo Allah ki raza hasil karne ke liye apni jaan bhi qurban kar deta hai or aise bandon per to Allah
bohot meharban hai.
Badtareen Dushman
Allah ke naam se jo bara meharban nehayat reham wala hai
Insanon main aik shakas aisa bhi hai jis ki baatain dunya ki zindagi main tumhain bohot acchi maaloom hoti hain
or wo apni naik niyati per bar bar Allah ko gawah banata hai magar haqeeqat main wo hi badtareen dushman hai
jab use iqtedaar hasil ho jaata hai to wo is dor dhoop main phirta rehta hai ke zamin main fasad phelaae, kheton ko
barbad kare or nasal insaani ko tabah kare halake Allah (jise wo gawah bana raha tha) fasad ko hargiz pasand nahin kara
Naajaiz maal
Allah ke naam se jo bara meharban nehayat reham wala hai
Tum log aapas main aik dosre ka maal naajaiz tareeke se mat khaya karo or na is (maal) ko hakimon ke aage is garz se
pesh karo ke tumhain dosron ke maal ka koi hisa zalimana tareeke se khane ka moka mil jaae or tum ko ilim bih ho
Hazrat Essa (A.S) Apni Walida ki Wafat ke baad Unki Qabr per gaye.
Aap Apni Walida Hazrat e Bibi Mariam (A.S) se Mukhatib huwe aur Farmaya:
Pyari Ammi Jaan, Main Allah ke Hukum se murdon ko zinda karta hoon, agar Aap Hukum dein to Main Allah se Aapki Zindagi mangun.
Hazrat e Bibi Mariam (A.S) ne Farmaya:
Dunia aur iski zindagi buhat khoobsurat hai, magar Main Maut ki takleef dobara nahi seh sakti....
(Allah-o-Akbar)
kasas
Allah ke naam se jo bara meharban nehayat reham wala hai
aye eman walo tumhare liye qatal ke mukadamon main kasas (yani khon ka badla khon) farz kar dia gaya hai
aazad aadmi ne qatal kia ho to is aazad hi se badla lia jaae ghulam ho to wo ghulam hi qatal kia jaae or
orat is jurm ki murtakib ho to is orat hi se kasas lia jaae haan jis ko is ke fareeq ki taraf se kuch maafi ho jaae
to maaroof tareeqe ke mutabik khon baha ka tasfiya hona chahiye or qatil ko laazim hai ke khubi ke sath khon
baha ada kare ye tumhare rab ki taraf se reaayat or meharbani hai jo koi is ke baad bhi ziadti kare ga is ke liye
(aakhrat main) dardnaak azab hai
Ehle Eman ki pehchan
Allah ke naam se jo bara meharban nehayat reham walal hai
neki ye nahin ke tum apna chahra mashrik ya maghrib ki taraf pher lo balke neki ye hai ke aadmi
Allah per or qayamat ke din per or farishton per or Allah ki nazil ki hui kitab per or is ke
pegambaron per dil se eman laae or Allah ki mohobat main apna maal rishtedaron or yateemon per
miskeenon or musafiron per madad ke lie hath phelane walon per or gulamon ki rehaai per kharach
kare salath ki pabandi rakhe or zakaat bhi ada kare or naik wo log hain ke jab wada karain to use
poora karain or sakhti main or haq or batil ki jung main sabar karain ye hain sache log or yehi log
mutaqi (or parhezgar) hain