Islamic SMS
Roshan Daleel
Allah ke naam se jo bara meharban nehayat reham wala hai
ap (P.B.U.H) keh dijiye ke mere paas to aik roshan dalel hai mere rab ki taraf se or tum ne use jhutla dia hai jis cheez ka tum takaza kar rahe ho wo mere paas nahin hai, fasle ka sara ikhtiyaar sirf Allah ko hai, wo amrhaq bayan karta hai or wohi sab se behtareen fasla karne wala hai()
Gumrah
Allah ke naam se jo bara meharban nehayat reham wala hai
Aap (P.BU.H) keh dijiye ke tum Allah ke siva jin dosron ko pukarte rehte ho un ki ebadat karne se mujhe mana kia gaya hai Aap (P.B.U.H) keh dijiye ke main tumhare khuahishaat ki pervi nahin karon ga, agar main ne aisa kia to main bhi gumrah ho jaaon ga or rah raast pane walon main se na rahon ga()
Allah ke siva koi mabood nahin
Allah ke naam se jo bara meharban nehayat reham wala hai
Aap (P.B.U.H) keh dijiye ke accha ye to batao ke agar Allah tumhare beenai or samaat tum se cheen le or tumhare dilon per mohar kar de to Allah ke siva or kon sa maabood hai jo ye (dekhne or sune ki) quwatain tumhain wapas dila de. Aap (P.B.U.H) dekhiye hum kis tarhan bar bar dalaail (toheed) in ke saamne pesh karte hain or phir bhi ye (un se) be rukhi kiye hue hain ()
Allah ko pukaro ge
Allah ke naam se jo bara meharban nehayat reham wala hai
Aap (P.B.U.H) keh dijiye ke (aye kufar karne walo) zara gor kar ke batao ke agar kabhi tum per Allah ka azab ya (qayamat ki)ghari aa pohnche to kia us waqt tum Allah ke siva kisi or ko pukaro ge btao agar tum waqi sache ho() nahin us waqt tum Allah hi ko pukaaro ge phir jis (museebat ke hatane) keliye tum use pukaarte ho wo chahe to use dor bhi karde. aise mokon per tum un sab ko bhool jaate ho jinhain tum (Allah ka)shareek tehraate ho()
Seedhi rah
Allah ke naam se jo bara meharban nehayat reham wala hai
Jo log hamare aayt ko jhutlaate hain (or jahalat ki tareekion main pare hue hain ) wo behre or goonge hain, (tarhan tarhan ke) andheron main pare hue hain. Allah jise chahta hai bhatka deta hai or jise chahta hai seedhi rah per laga deta hai()
Sune wale log
Allah ke naam se jo bara meharhan nehayat reham wala hai
Dawat haq to bas wohi log kabool karte hain (jin ke zameer zinda hain or) jo (sidkedil se baat) sune wale hain, rahe murde (jo lakeer ke fakeer bane andhon ki tarhan chale jaa rahe hain) to unhain to Allah bas kabron se uthaae ga or phir wo (Allah ki adalat main pesh hone keliye) wapas laae jaain ge()
Aakrat ka ghar
Allah ke naam se jo bara meharban nehayat reham wala hai
Dunya ki zindagi (aakhrat ki haqeeqi or paaidar zindagi ke mukable main) to bas aik khel or tamashe ke siva kuch nahin, or taqva rakhne walon ke haq main yaqeenan aakhrat ka ghar kahin behtar hai, to kia tum log akal se kaam hi nahn lete()
Haqeeqat
Allah ke naam se jo bara meharban nehayat reham wala hai
Aaj ye log kehte hain ke zindagi to jo kuch bhi hai bas yehi hamari dunya ki zindagi hai or hum marne ke baad hargiz dobara zinda na kiye jaain ge() or agar Aap (P.B.U.H) us waqt dekhain jab ke ye apne rab ke samne khare kiye jaain ge us waqt un ka rab un se pooche ga kia ye (dobara zinda hona) haqeeqat nahin hai? ye kahain ge beshak hamare rab ye haqeeqat hi hai Allah farmae ga accha to phir ab azab ka maza chakho is kufar (or inkaar) ke badle main jo tum kia karte the()
Shirk ka anjaam
Allah ke naam se jo bara meharban nehayat reham wala hai
(wo din yaad rakho) jis din hum in sab ko ikhata karain ge phir jo log shirk karte rahe hain un se poochain ge ke ab wo tumhare tehraae hue shareek kahan hain jin ko tum apna maabood samajhte the() phir in ke shirk ka anjaam is ke siva kuch na hoga ke (ye jhoota bayaan dain ge ke) kasam Allah ki apne rab ki hum hargiz mushrik na the() zara dekho to ye us waqt kesa apne mutaliq jhoot bolain ge, or wahan un ke sare banavti maabood ghayab ho jaain ge()
Zamin or aasmanon ka khaliq
Allah ke naam se jo bara meharban nehayat reham wala hai
Aap (P.B.U.H) keh dijiye ke kia main Allah ko chor kar, jo zamin or aasmanon ka khaliq hai or jo khane ko deta hai or koi us ko khane ko nahin deta kisi or ko mabood or kaarsaaz banalon? Aap (P.B.U.H) keh dijiye ke mujhe yehi hukum dia gaya hai ke main sab se pehle islaam kabool karon (or takeed ki gai hai ke koi shirk kara hai to kare) tum beharhaal mushrikon main shamil na hona()